Oʻzbekistonda DXSh va infratuzilma boʻyicha mustaqil maslahatchilar

Loyiha ortidagi poydevorlar qanchalik kuchli boʻlsa, loyiha shunchalik ishonchli bo'ladi.

WealthBridge — Toshkentdagi barqaror konsalting kompaniyasi bo'lib, Oʻzbekistondagi infratuzilma loyihalari uchun texnik, moliyaviy va ekologik asosni tayyorlashda va loyihani taraqqiyot banklari yoki xususiy investorlarga taqdim etishda ko'maklashadi.

Xizmatlar

Yagona loyiha jamoasi toʻrt yoʻnalishda ish olib boradi.

Ishimizning katta qismi shu yoʻnalishlar kesishmasida: bank qabul qiladigan moliyaviy modelni talab etadigan DXSh, investorlar tan oladigan hujjatlar to'lpami tayyorlash, va moliyalashtirishni jalb qilish.

DXSh, ESG va ekologik ekspertiza

Davlat-xususiy sheriklik bitimlarini tuzilmalashtirish va qoʻllab-quvvatlash hamda xalqaro investorlar loyihaga kirishdan oldin talab qiladigan ekologik va ijtimoiy hujjatlar tayyorlash.

  • DXShni tuzilmalashtirish, tender va shartnoma hujjatlarni tayyorlash
  • Atrof-muhit va jamiyatga taʼsirni baholash, texnik ekspertiza
  • ESG oʻtish strategiyasi tayyoarlash va ularni amlda qo'llashga yordam berish
  • Investor va xalqaro moliya institutlari talablariga muvofiqlik paketlari

Investitsiya konsaltingi

Oʻzbekiston bozoriga kirayotgan kompaniyalar uchun xaridor va sotuvchi tomonidan kerak bo'lgan ko'maklarni malakali kontragentlarning doimiy tarmogʻiga tayangan holda taqdim etish.

  • M&A bitimlarini topish va oʻtkazish
  • Moliyaviy modellashtirish va baholash
  • M&A uchun kompaniyalarni qidirish
  • Tijorat, huquqiy, texnik va moliyaviy izlanishlarni (due diligence) olib borish

Biznes yechimlarni joriy etish

Ishga tushirish bilan yakunlanadigan konsalting: bozorga kirish, texnik va iqtisodiy asos hisobitini tayyorlash, operatsion model va loyiha ishlab ketguniga qadar ko'maklarni taqdim etish.

  • Bozorga kirish va texnik-iqtisodiy asoslash hujjatlarni tayyorlash
  • Tartibga solish masalalari va ruxsatnomalar olishda ko'maklashish
  • Operatsion model va biznes jarayonlar tuzish va amada qo'llash
  • Loyihani boshqarish va joriy etishga ko'maklashish

Raqamli mahsulotlar va texnologiyalar

Biz oʻz amaliyotimiz uchun IT vositalarni ishlab chiqamiz va ularni mijozlarga joriy etamiz — milliy miqyosdagi platformalardan himoyalangan maʼlumot bazalarigacha.

  • Davlat raqamli platformalari va xizmatlari tayyorlash
  • Sunʼiy intellektga asoslangan tahlil va dashboardlar tuzish
  • Himoyalangan mijoz portallari va maʼlumot bazalarini joriy etish
  • Maʼlumot yigʻish va belgilash dasturlari tuzish
Bozorni ichdan bilamiz

Biz umumiy amaliyot tarafi emas, balkim sanoatlar ichida chuqur bilim va tajriba qo'llash tarafdorimiz.

Sogʻliqni saqlash

Dializ klinikalari tarmogʻi, shifoxona DXSh loyihalari va kengaytirish, milliy sogʻliqni saqlash axborot platformasi: kreditorlar tomonidan texnik tahlil, ekologik va ijtimoiy muvofiqlik, TIA hamda investor materiallari.

Taʼlim

DXSh asosidagi maktablar va talabalar turar joylari: ehtiyoj tahlili, maydonlarni baholash, xalqaro meʼyorlarga mos loyihalash, moliyaviy modellashtirish va tanlovni qoʻllab-quvvatlash.

Energetika va qayta tiklanuvchi energiya

Shamol va quyosh IPP loyihalari, elektr tarmoqlari, issiqlik energetikasi va GTL: IFC standartlari boʻyicha ekologik-ijtimoiy ekspertiza va kreditorlar uchun monitoring, huquqiy kuzatuv va ruxsatnomalar, EPC rejalashtirish va yashil qurilish.

Chiqindilarni boshqarish va qayta ishlash

Piroliz va chiqindilardan qimmatli mahsulot olish, maishiy chiqindilar sohasini isloh qilish, saralash va qayta ishlash majmualari, paxta chiqindisidan biokoʻmir: xomashyo xaritasi, bozor va xaridorlar tadqiqoti, litsenziyalash yoʻli, DXSh tuzilmasi va moliyaviy modellar.

Infratuzilma va transport

Aeroport va yoʻl loyihalari: texnik va moliyaviy tahlil, tirbandlik va tarif baholash, tijoriy hamda ekologik-ijtimoiy ekspertiza.

Ishlab chiqarish

Shisha, sement, bazalt, metallga ishlov berish, ip va toʻqimachilik korxonalari: TIA, moliyaviy modellar, investitsiya hujjatlari va bitimlarni qoʻllab-quvvatlash.

Moliyaviy xizmatlar

Banklar, lizing, mikromoliya va fond tashkil etish: due diligence, baholash, kapital bozori strategiyasi va Oʻzbekistondagi birinchi Ijara instrumenti.

Qishloq xoʻjaligi va qayta ishlash

Paxta-gʻalla klasterlari va oziq-ovqat qayta ishlash: TIA, moliyaviy modellar hamda qarz va ulushli moliyalashtirish boʻyicha muzokaralarni qoʻllab-quvvatlash.

Koʻchmas mulk va mehmondoʻstlik

Turar joy bozori tadqiqotlari, togʻ kurortini optimallashtirish va lizing kompaniyalari auditi: bozor tadqiqotlari, biznesni optimallashtirish va moliya jalb qilish modellari.

Logistika

Logistika sektorining investitsion salohiyati boʻyicha tadqiqot va sotib olish bitimlari doirasidagi ombor obyektlari konsepsiyasi.

Raqamli xizmatlar

Raqamli davlat xizmatlari, global texnologiya kompaniyalari uchun maʼlumot va til dasturlari hamda Oʻzbekiston va Qozogʻistonda biznes uchun raqamli xizmatlar bozori tadqiqoti.

Moliyalashtirish Oʻzbekistondan emas, noaniqlikdan qochadi.

Kompaniya asos solingan tezis, 2023

Xalqaro homiylar va investorlar mintaqaga bo'lgan qiziqishdan deyarli hech qachon mahrum emaslar. Ularga yetishmayotgan narsa – bu ular tayanishi mumkin bo'lgan hujjatlardir: risklarni baholaydigan moliyaviy model, investorlarning himoya choralariga javob beradigan ekologik va ijtimoiy baholash, hukumat bilan muloqotda o'zini oqlaydigan normativ tahlillarni taqdim etish.

Ana shu hujjatlarni O'zbekiston ichkarisidan, xalqaro jadvalga muvofiq, yuqori sifatda tayyorlash – bu bizning vazifamiz.

Loyihalar

63 loyiha, 11 tarmoq va tafsilotigacha oʻrganilgan mintaqa.

Har bir loyihada rolimiz koʻrsatilgan. «Ekspertlar tajribasi» belgisi qoʻyilgan loyihalar mutaxassislarimiz tomonidan avvalgi lavozimlarida yoki hamkor amaliyotlar tarkibida bajarilgan va jamoa loyihaga qanday tajriba olib kelishini koʻrsatadi.

Sogʻliqni saqlash

6
Sogʻliqni saqlash

Dializ klinikalari: E&S muvofiqlik auditi va boshqaruv tizimi

Oʻtmishdagi va joriy faoliyatning ekologik va ijtimoiy talablarga muvofiqligi auditi hamda ADB va milliy talablarga mos boshqaruv tizimini qurish. 2022-yil iyulda ADB tibbiy uskunalar uchun 5 mln AQSh dollari ajratdi; kunlik 1 100 bemorga xizmat koʻrsatadigan toʻrtta klinika tashkil etildi.

Ekologik va ijtimoiy masalalar boʻyicha maslahatchi

Mijoz: Xususiy sogʻliqni saqlash operatori (Nephrocare Health Services Central Asia), ADB moliyalashtiruvi uchun · Toshkent, Qoraqalpogʻiston, Xorazm · Moliyalashtirish 2022-yil iyulda maʼqullangan

5 mln dollar · ADB · kuniga 1 100 bemor

Sogʻliqni saqlash

Fargʻonadagi 800 oʻrinli shifoxona DXSh loyihasi

Koʻp tarmoqli DXSh shifoxonasini mahalliy talablar asosida kreditorlar tomonidan texnik va xarajat jihatidan tahlil qilish hamda kreditorlarning texnik va moliyaviy savollariga javob berish.

Kreditorlarning texnik maslahatchisi

Mijoz: Kreditorlar sifatida EBRD va IFC · 2026

Sogʻliqni saqlash

DXSh modeli boʻyicha milliy sogʻliqni saqlash axborot platformasi

Davlat va xususiy tibbiyot tashkilotlari maʼlumotlarini, ular koʻrsatadigan xizmatlarni, tibbiyot xodimlari va elektron tibbiy yozuvlarni birlashtiruvchi DXSh asosidagi milliy platforma. Biz loyiha konsepsiyasi, moliyaviy model, loyihani baholash hujjati va DXSh shartnomasini ishlab chiqdik.

Loyiha konsepsiyasi, moliyaviy model va DXSh shartnomasi

Sogʻliqni saqlash

Samarqandda shifoxonani kengaytirish

Kuniga 80 dan ortiq operatsiya va 500 ta diagnostika muolajasini oʻtkazish imkoniyatiga ega mavjud shifoxonani kengaytirish. Xalqaro moliya institutlari va xususiy kapital fondlaridan mablagʻ jalb qilish uchun zarur maʼlumot va materiallarni tayyorladik.

Kengaytirishni moliyalashtirish uchun investor materiallari

Sogʻliqni saqlash

Noldan quriladigan shifoxonalar tarmogʻi

Oʻzbekistonning yirik shaharlarida noldan quriladigan shifoxonalar tarmogʻi. Texnik-iqtisodiy asoslashni tayyorladik va BAAdagi potentsial investorlar uchun investitsiya modelini tuzdik.

Texnik-iqtisodiy asoslash va investitsiya modeli

Oʻzbekiston · BAA

Sogʻliqni saqlash

Sil kasalligi sanatoriysi, Toshkent viloyati

Sil kasalligiga chalingan bemorlarni davolash uchun sanatoriy qurish va jihozlash: 250 oʻrin, yiliga taxminan 6 500 bemor, loyiha qiymati 8,0 mln AQSh dollari.

Texnik-iqtisodiy asoslash va loyihani tayyorlash

Taʼlim

4
Taʼlim

DXSh asosidagi maktablar dasturi, Andijon va Samarqand

Xususiy operator 15 ta energiya tejamkor maktabni loyihalash, qurish, moliyalashtirish va ekspluatatsiya qilishi koʻzda tutilgan pilot loyihani tuzish va tanlovga chiqarish: ehtiyoj tahlili, xalqaro meʼyorlarga mos maktab loyihalari, uchastkalar va koʻchirish oqibatlarini baholash, murojaatlar mexanizmi, quyosh energiyasiga asoslangan strategiya va moliyaviy model.

Bitimlar boʻyicha texnik maslahatchi

Mijoz: Xalqaro moliya korporatsiyasi (IFC) va Oʻzbekiston Hukumati · Andijon va Samarqand viloyatlari

15 maktab · 19 800 oʻrin · 60 mln dollar

Taʼlim

DXSh asosidagi maktablar dasturi, Fargʻona va Namangan

Kamida 100 ta maktab obyektini DXSh xaridlari modeli boʻyicha loyihalash, qurish, moliyalashtirish va saqlash imkoniyatini baholash: sanoat sharhi, huquqiy baza tahlili, ekologik va ijtimoiy baholash, namunaviy maktab loyihasi va moliyaviy modellashtirish.

Sanoat, huquqiy va ekologik tahlil hamda moliyaviy modellashtirish

Fargʻona va Namangan viloyatlari

15 maktab · 14 850 oʻrin · 68 mln dollar

Taʼlim

DXSh asosidagi talabalar turar joylari, Toshkent

DXSh modeli asosida 228 ta yangi turar joy qurishning maqsadga muvofiqligini baholash va pilot loyihani tuzish hamda tanlovga chiqarishda koʻmak: tarmoq sharhi, meʼyoriy baza, xalqaro standartlarga mos loyihalar, uchastkalar va koʻchirish tahlili, energiya samaradorligi strategiyasi va CAPEX optimallashtirilgan moliyaviy model.

Tuzilma va tanlov boʻyicha subkonsultant

Mijoz: EBRD va Oʻzbekiston Hukumati · 2023–2025

17 turar joy · 17 952 oʻrin · 114,75 mln dollar

Taʼlim

Qizlar va ijtimoiy himoyaga muhtoj guruhlar uchun oliy taʼlim toʻsiqlari

Oʻzbekistonda qizlar va ijtimoiy himoyaga muhtoj guruhlarning oliy taʼlim olishdagi toʻsiqlarini oʻrganish.

Tadqiqot va tahlil

Energetika va qayta tiklanuvchi energiya

13
Energetika va qayta tiklanuvchi energiya

Yashil qurilish bozori boʻyicha bazaviy tadqiqot

Yashil qurilish sektorining bazaviy bozor tadqiqoti va tartibga solish tahlili: meʼyoriy boʻshliqlar tahlili, amaldagi normativ bazani oʻrganish va bozor ishtirokchilarini xaritalash — mamlakatda yashil qurilish boʻyicha ish uchun boshlangʻich nuqta.

Bozor va tartibga solish tahlili

Mijoz: Xalqaro moliya korporatsiyasi (IFC)

Qurilish tarmogʻi uchun yashil moliyaga yoʻl ochish

Energetika va qayta tiklanuvchi energiya

DNV kompaniyasining Markaziy Osiyo bozoriga kirishi

Energetika qiymat zanjirida, jumladan qayta tiklanuvchi manbalar, neft va gaz yoʻnalishlarida ishlaydigan DNV klassifikatsiya jamiyati Markaziy Osiyoda ishtirokini kengaytirdi. Ijtimoiy va ekologik xavflarni hamda ularni kamaytirish choralarini baholadik, yer olish mexanizmi va koʻchirish oqibatlari tahlilini taqdim etdik, mehnat muhofazasi tizimini, shu jumladan rejalar va treninglarni ishlab chiqdik. Ishni boshlash uchun zarur barcha hujjatlar topshirildi.

Ekologik, ijtimoiy masalalar va mehnat muhofazasi boʻyicha maslahat

Mijoz: DNV · Markaziy Osiyo

Energetika va qayta tiklanuvchi energiya

DNV Energy kompaniyasining Qozogʻistonga kengayishi

DNV Energy (Buyuk Britaniya va Germaniya) kompaniyasining Qozogʻistonga kengayishida operatsion qoʻllab-quvvatlash.

Bozorga kirish va operatsion qoʻllab-quvvatlash

Mijoz: DNV Energy · Qozogʻiston

Energetika va qayta tiklanuvchi energiya

Zarafshon 500 MVt shamol elektr stansiyasi va Nur Bukhara Solar: tirikchilikni tiklash rejasi yakuniy auditi

IFC va ADB tomonidan moliyalashtirilgan yirik shamol va quyosh IPP loyihalari uchun tirikchilikni tiklash rejalari yakuniy auditi: ESAP tekshiruvi, taʼsir koʻrgan xonadonlar soʻrovi, tuzatish choralari rejalari va hisobot.

Ijtimoiy masalalar va himoya choralari boʻyicha mutaxassisEkspertlar tajribasi

2025 – 2026

Energetika va qayta tiklanuvchi energiya

Nur Navoi Solar 100 MVt, IFC Scaling Solar dasturi

Oʻzbekistondagi birinchi yirik quyosh IPP loyihasi. Qurilish va ekspluatatsiya bosqichlarida IFC faoliyat standartlariga muvofiq ekologik-ijtimoiy audit va ESMP bajarilishi monitoringi; IFC manfaatlarida DNV uchun bajarilgan.

Ekologik-ijtimoiy audit va ESMP monitoringiEkspertlar tajribasi

2020 – 2022

Energetika va qayta tiklanuvchi energiya

Nur Jizzakh, Nur Samarkand va Nur Sherabad quyosh stansiyalari: tirikchilikni tiklash auditlari

IFC va ADB tomonidan moliyalashtirilgan uchta quyosh IPP loyihasida manfaatdor tomonlar bilan ishlash va taʼsir koʻrgan shaxslar soʻrovi, ESAP bajarilishini baholash va tuzatish choralari.

Ijtimoiy masalalar va himoya choralari boʻyicha mutaxassisEkspertlar tajribasi

2024

Energetika va qayta tiklanuvchi energiya

Oʻzbekistonda shamol energetikasi auksionlarini oʻtkazishni qoʻllab-quvvatlash

Shamol elektr stansiyasi ESIA hujjatining IFC faoliyat standartlari va milliy qonunchilikka muvofiqligi ekspertizasi hamda yer olish va koʻchirish tizimining IFC PS5 talablariga nomuvofiqliklari tahlili.

Shamol loyihalari ESIA ekspertizasiEkspertlar tajribasi

Mijoz: ETTB · 2019

Energetika va qayta tiklanuvchi energiya

Elektr energetikasini transformatsiya qilish va uzatish tarmogʻi barqarorligi (ESTART)

Milliy tarmoq kompaniyasining ekologik ekspertizasi, ESMF va boshqa ESF vositalari monitoringi, uzatish tarmogʻidagi har bir ish turi uchun ekologik-ijtimoiy baholash tartiblari.

Ekologik ekspertizaEkspertlar tajribasi

Mijoz: Jahon banki / Oʻzbekiston milliy elektr tarmoqlari · 2020 – 2023

Energetika va qayta tiklanuvchi energiya

Masdar kompaniyasining toʻrt viloyatdagi quyosh DXSh loyihalari

Jizzax, Navoiy, Samarqand va Surxondaryo viloyatlarida fotoelektr stansiyalarini loyihalash, moliyalashtirish, qurish va ekspluatatsiya qilish boʻyicha DXSh loyihalarida huquqiy kuzatuv.

DXSh va tartibga solish boʻyicha huquqiy kuzatuvEkspertlar tajribasi

Mijoz: Masdar · 2022

Energetika va qayta tiklanuvchi energiya

Navoiy 478 MVt bugʻ-gaz elektr stansiyasi

Oʻzbekistonda stansiya qurilishi bilan bogʻliq huquqiy masalalarda xalqaro EPC pudratchisi manfaatlarini himoya qilish.

EPC pudratchisini huquqiy kuzatishEkspertlar tajribasi

Mijoz: INITEC Energía va Çalık Enerji (EPC) · 2019

Energetika va qayta tiklanuvchi energiya

Uzbekistan GTL loyihasi, 3,6 mlrd AQSh dollari

Gazdan suyuq yoqilgʻi ishlab chiqarish zavodini moliyalashtirayotgan eksport-kredit agentliklari, taraqqiyot va tijorat banklari manfaatlarini qurilish, rivojlantirish va moliyalashtirishning mahalliy huquqiy jihatlari boʻyicha himoya qilish.

Kreditorlar tomonida mahalliy huquqiy ekspertizaEkspertlar tajribasi

Mijoz: Kreditorlar: CDB, KEXIM, K-Sure, EXIAR · 2021 – 2022

Energetika va qayta tiklanuvchi energiya

EPC rejalashtirish va hisobotlari, ENTER Engineering Group

Yirik oʻzbek pudratchisining sanoat va energetika EPC loyihalari boʻyicha rejalashtirish va bajarilish hisobotlari: jadvallar, jarayonni oʻlchash, muhandislik hujjatlari, xaridlar va qurilishni nazorat qilish.

Rejalashtirish va hisobot boʻlimi rahbariEkspertlar tajribasi

Mijoz: ENTER Engineering Group · 2017 – 2021

Energetika va qayta tiklanuvchi energiya

Tolimarjon IES kengaytirilishi va «Oʻzbekenergo» ekologik boshqaruvi

ADB tomonidan moliyalashtirilgan Tolimarjon stansiyasini kengaytirishda himoya choralariga rioya qilish, soʻngra «Oʻzbekenergo» korxonalarida ekologik va ijtimoiy dasturlarni boshqarish.

Himoya choralari boʻyicha mutaxassis; atrof-muhitni muhofaza qilish boʻlimi boshligʻiEkspertlar tajribasi

Mijoz: ADB; «Oʻzbekenergo» · 2010 – 2017

Chiqindilarni boshqarish va qayta ishlash

5
Chiqindilarni boshqarish va qayta ishlash

Chiqindilarni piroliz usulida qayta ishlash: TIA va bozor tadqiqoti

Oʻzbekistonda chiqindilarni piroliz usulida qayta ishlashni joriy etish dasturi: texnik maqsadga muvofiqlik, xomashyo xaritasi, biokoʻmir, sintez-gaz va piroliz moyi xaridorlari bilan ishlash, litsenziyalash yoʻl xaritasi hamda bazaviy, optimistik va pessimistik ssenariyli dinamik moliyaviy model.

Maslahatchi: TIA, bozor tadqiqoti, litsenziyalash va moliyaviy modellashtirish

Mijoz: Osiyo taraqqiyot banki (ADB) va Carbon Capital Management LLC · Mandat 2026-yilda yutib olingan; loyiha amalga oshirilmoqda

Jarayonda · 5 oylik ish

Chiqindilarni boshqarish va qayta ishlash

Chiqindidan energiya olish boʻyicha maslahat, Jizzax va Samarqand viloyatlari

Chiqindilarni qayta ishlashning tijoriy jihatdan foydali yoʻllari, jumladan piroliz: maishiy, qishloq xoʻjaligi va sanoat oqimlari boʻyicha xomashyo xaritasi, texnologiyalarni saralash, xaridorlar va narxlar tahlili, litsenziyalash yoʻli va ssenariyli moliyaviy tahlil.

Chiqindilarni qayta ishlash boʻyicha dastlabki TIA

Mijoz: Ekologiya va iqlim oʻzgarishi milliy qoʻmitasi · 2023-yil avgust – 2024-yil aprel

Chiqindilarni boshqarish va qayta ishlash

Hududiy chiqindilarni boshqarish strategiyasini isloh qilish

Maishiy chiqindilarni yigʻish, saralash, qayta ishlash va koʻmish boʻyicha bazaviy tahlil, siyosat, institutlar va tariflar tahlili hamda xususiy sektorni jalb qilish va yangi quvvatlar yaratish boʻyicha bosqichma-bosqich yoʻl xaritasi.

Soha bazaviy tahlili va islohot yoʻl xaritasi

Mijoz: Ekologiya va iqlim oʻzgarishi milliy qoʻmitasi · 2023-yil fevral – noyabr

Chiqindilarni boshqarish va qayta ishlash

Chiqindilarni saralash va qayta ishlash majmuasi, Toshkent viloyati

Texnik konsepsiyani tekshirish, chiqindi hajmlari va manfaatdor tomonlar tahlili, tariflar va xatarlarni taqsimlash, huquqiy baholash, moliyaviy model va investorlar uchun materiallar.

TIA va DXSh bitimini qoʻllab-quvvatlash

Mijoz: Sato Global LLC · 2024-yil yanvar – iyun

Chiqindilarni boshqarish va qayta ishlash

Paxta chiqindisidan biokoʻmir: bozor va meʼyoriy yoʻl xaritasi

Samarqand viloyatida toʻqimachilik sanoati paxta chiqindisidan olinadigan biokoʻmirni tijoratlashtirish: xomashyo va mavsumiylik, talab va xaridor segmentlari, narxlar, xaridorlar bilan ishlash, sertifikatlash va standartlar hamda bosqichma-bosqich yoʻl xaritasi.

Bozor tadqiqoti va meʼyoriy yoʻl xaritasi

Mijoz: USAID, Palladium va Sher Textile LLC · 2022-yil may – sentabr

Infratuzilma va transport

2
Infratuzilma va transport

Yangi Toshkent xalqaro aeroporti

Yiliga 30 mln yoʻlovchiga moʻljallangan yangi aeroportning texnik va moliyaviy tahlili, xarajatlarni optimallashtirish boʻyicha hisobot, ekspluatatsiya samaradorligini oshirish choralari va keyingi bosqich rejalari.

Texnik va moliyaviy tahlil

2,5 mlrd dollar birinchi bosqich · yiliga 30 mln yoʻlovchi

Infratuzilma va transport

Sirdaryo viloyatida yangi pullik avtomobil yoʻli

Uzunligi 40 km, olti qatorli, beton qoplamali yangi yoʻl loyihasi. Mumkin boʻlgan texnik yechimlarni koʻrib chiqamiz va tarif baholashini, jumladan transport oqimi, tijorat, ekologik va ijtimoiy jihatlar hamda qoplama, toʻlov yigʻish va trassa variantlarini tahlil qilamiz.

Texnik, transport, tijorat va ekologik baholash

40 km · olti qator

Ishlab chiqarish

14
Ishlab chiqarish

Yassi shisha ishlab chiqarish zavodi

Yassi shisha ishlab chiqarish zavodini tashkil etish boʻyicha texnik-iqtisodiy asoslash va 8 mln AQSh dollari mablagʻ jalb qilish.

TIA va mablagʻ jalb qilishni qoʻllab-quvvatlash

Ishlab chiqarish

Shisha idish zavodi — sotuvga tayyorlash

Farmatsevtika va vinochilik kompaniyalari uchun shisha idish ishlab chiqaruvchi eng yirik zavod. Chuqur bozor tadqiqotini oʻtkazdik, kompaniyani potentsial investorlarga sotishga tayyorladik hamda kapital tuzilmasi, xarajatlar va investitsion baholash boʻyicha maslahat berdik.

Bozor tadqiqoti, bitimga tayyorgarlik va baholash

Ishlab chiqarish

Kuniga 5 tonna quvvatli ip ishlab chiqarish fabrikasi

Kuniga 5 tonna quvvatga ega amaldagi ip ishlab chiqarish fabrikasi. Investorlar uchun toʻliq hujjatlar toʻplamini ishlab chiqdik. Loyiha kengaytirishga kamida 2 mln AQSh dollari kiritishga tayyor investor tomonidan koʻrib chiqilmoqda.

Investorlar uchun hujjatlar va mablagʻ jalb qilishni qoʻllab-quvvatlash

Ishlab chiqarish

Toshkent viloyatidagi toʻqimachilik korxonasi

Yiliga 30 000 tonna ip quvvatiga ega Toshkent viloyatidagi eng yirik toʻqimachilik korxonasi uchun texnik-iqtisodiy asoslash, investitsiya modeli va kompaniya profili.

TIA, investitsiya modeli va kompaniya profili

Ishlab chiqarish

Toʻqimachilik kompaniyasini kengaytirishni moliyalashtirish

Texnik-iqtisodiy asoslash, moliyaviy model va tegishli hujjatlarni ishlab chiqdik hamda toʻqimachilik kompaniyasini kengaytirish uchun qarz va ulushli moliyalashtirish boʻyicha muzokaralarni qoʻllab-quvvatlamoqdamiz.

TIA, moliyaviy model va muzokaralarni qoʻllab-quvvatlash

Ishlab chiqarish

MDHdagi eng yirik oziq-ovqat korxonalaridan biri

Texnik-iqtisodiy asoslash, bozor sharhi, raqobatchilarni baholash va xavflar tahlilini oʻtkazdik, batafsil moliyaviy va baholash modelini tayyorladik hamda kapital tuzilmasi boʻyicha maslahat berdik.

TIA, baholash va kapital tuzilmasi boʻyicha maslahat

Ishlab chiqarish

M&A bitimi uchun sut mahsulotlari bozori tadqiqoti

M&A bitimini amalga oshirish uchun Oʻzbekistondagi sut mahsulotlari bozorini oʻrgandik.

Bitim uchun bozor tadqiqoti

Ishlab chiqarish

Ishlab chiqarishni kengaytirish mandati, 13,2 mln AQSh dollari

Bozor tadqiqoti, biznes-reja, investitsiya modeli va tizerlarni ishlab chiqdik. Loyiha 13,2 mln AQSh dollarlik kengaytirish moliyalashtiruvi uchun koʻrib chiqilmoqda.

Investorlar uchun hujjatlar va mablagʻ jalb qilishni qoʻllab-quvvatlash

Ishlab chiqarish

Yiliga 15 000 tonna bazalt qayta ishlash quvvati

Yiliga 15 000 tonnadan ortiq quvvatga ega bazalt qayta ishlash quvvatlarini tashkil etish boʻyicha texnik-iqtisodiy asoslash.

Texnik-iqtisodiy asoslash

Ishlab chiqarish

Bazalt issiqlik izolyatsiyasi — yiliga 50 000 tonna

Yiliga 50 000 tonnadan ortiq quvvatga ega bazalt issiqlik izolyatsiyasi mahsulotlari ishlab chiqarish uchun texnik-iqtisodiy asoslash va moliyaviy model.

TIA va moliyaviy model

Ishlab chiqarish

Fargʻona vodiysida bazalt zavodining ishga tushirilishi

Oʻzbekistonda bazalt ishlab chiqarish boʻyicha marketing tadqiqotini oʻtkazdik va moliyalashtirish jalb qilinib, Fargʻona vodiysida zavod ishga tushirilgan bitimlarni qoʻllab-quvvatladik.

Bozor tadqiqoti va bitimni qoʻllab-quvvatlash

Ishlab chiqarish

Sement ishlab chiqarish — yiliga 1,2 mln tonna

Yiliga 1,2 mln tonnadan ortiq sement ishlab chiqarish quvvatlarini tashkil etish boʻyicha texnik-iqtisodiy asoslash va moliyaviy model.

TIA va moliyaviy model

Ishlab chiqarish

Metallga ishlov berish zavodi

Metall konstruksiyalar, qurilish karkaslari va boshqa metall mahsulotlar ishlab chiqaruvchi zavodni tashkil etish boʻyicha texnik-iqtisodiy asoslash va moliyaviy model.

TIA va moliyaviy model

Mijoz: Milart-Steel

Ishlab chiqarish

Ishlab chiqarishni sotib olishda xaridorni qoʻllab-quvvatlash

Sotib olish bitimi boʻyicha maslahat: sotib olinayotgan biznesni baholash, moliyaviy model, texnik-iqtisodiy asoslash va turli ishlab chiqarish liniyalari tahlili hamda ombor quvvatlari konsepsiyasi.

Baholash, moliyaviy model va TIA

Moliyaviy xizmatlar

10
Moliyaviy xizmatlar

Yetakchi kompaniyalarga oʻsish maslahati

Oʻsish imkoniyatiga ega va 2 mln dollardan ortiq investitsiya ehtiyoji boʻlgan oʻnta yetakchi kompaniya tanlanib, ularga strategik va moliyaviy maslahat berildi, hujjatlar investorlar oʻqiydigan koʻrinishda tayyorlandi va investitsiya jalb qilish qoʻllab-quvvatlandi.

Strategik va moliyaviy maslahatchi

Mijoz: USAID Future Growth Initiative tashabbusi

40 mln dollardan ortiq jalb qilindi · 400 ish oʻrni

Moliyaviy xizmatlar

Kapital bozori likvidligini rivojlantirish strategiyasi

Oʻzbekistonda kapital bozori likvidligini oshirishga qaratilgan rivojlanish strategiyasi.

Strategiya ishlab chiqish

Moliyaviy xizmatlar

Bank sektori tadqiqoti va uchta bank boʻyicha due diligence

Bank sektori istiqbollari boʻyicha texnik-iqtisodiy asoslash va 10 mln AQSh dollaridan ortiq kapital investitsiyasi uchun uchta tijorat bankining due diligence tahlili.

Texnik-iqtisodiy asoslash va due diligence

Moliyaviy xizmatlar

Xususiylashtirish doirasidagi 28 ta kompaniya uchun M&A maslahati

Davlat xususiylashtirish dasturiga kiritilgan 28 ta kompaniyaga investorlarni samarali jalb qilish uchun M&A maslahat xizmatlari.

M&A bitimlari boʻyicha maslahat

Moliyaviy xizmatlar

Oʻzbekistondagi birinchi ijara moliyaviy vositasi

Oʻzbekistonda islomiy moliyalashtirishni rivojlantirish uchun jamoamiz mamlakatdagi birinchi ijara — islomiy lizing vositasini joriy etish ustida ishladi. U yiliga 1,1 mln AQSh dollari daromad keltiradi.

Vositani ishlab chiqish va joriy etish

Moliyaviy xizmatlar

Mikromoliya tashkilotini tashkil etish boʻyicha TIA

Kapitali 12 mln AQSh dollari boʻlgan mikromoliya tashkilotini tashkil etish boʻyicha texnik-iqtisodiy asoslash.

Texnik-iqtisodiy asoslash

Moliyaviy xizmatlar

Xaridor tomonidan bank due diligence va baholash

Xaridor tomonidan bankning tijorat va moliyaviy due diligence hamda biznes baholashini oʻtkazdik va investorimizga 20% dan ortiq ulush olishda koʻmaklashdik.

Tijorat va moliyaviy due diligence, biznesni baholash

Moliyaviy xizmatlar

BAAda xususiy kapital fondini tashkil etish

Jamoamiz kompaniya profili va bozor tadqiqotini tayyorladi hamda BAAda 50 mln AQSh dollarlik xususiy kapital fondi uchun potentsial investorlar bazasini shakllantirdi.

Kompaniya profili, bozor tadqiqoti va investorlar bazasi

BAA

Moliyaviy xizmatlar

Biznes optimizatsiyasi va mikrolizing vositalari

Xarajatlar samaradorligini oshirish uchun biznes optimizatsiyasini oʻtkazdik va kompaniyaga mikrolizing vositalarini joriy etdik. Ular yiliga 4 mln AQSh dollari daromad keltiradi.

Biznes optimizatsiyasi va vositalarni ishlab chiqish

Mijoz: Dolina Capital

Moliyaviy xizmatlar

Mustaqil biznes baholash

Kompaniyaning joriy holati va rivojlanish istiqbollari haqida obyektiv tasavvur beruvchi keng qamrovli moliyaviy va operatsion tahlil hamda mustaqil biznes baholash.

Moliyaviy va operatsion tahlil

Qishloq xoʻjaligi va qayta ishlash

1
Qishloq xoʻjaligi va qayta ishlash

10 000 gektardan ortiq paxta-bugʻdoy klasteri

Texnik-iqtisodiy asoslash, moliyaviy model va tegishli hujjatlarni ishlab chiqdik hamda faoliyatini diversifikatsiya qilayotgan paxta-bugʻdoy klasteri uchun qarz va ulushli moliyalashtirish boʻyicha muzokaralarni qoʻllab-quvvatlamoqdamiz.

TIA, moliyaviy model va moliyalashtirishni qoʻllab-quvvatlash

Koʻchmas mulk va mehmondoʻstlik

4
Koʻchmas mulk va mehmondoʻstlik

Turar joy koʻchmas mulk bozori tadqiqoti

Oʻzbekiston turar joy koʻchmas mulk bozorini oʻrganish va tahlil qilish: uy-joy bozori sharhi, oʻxshash mamlakatlar bilan taqqoslash hamda kelgusi davrlar uchun talab va taklif omillarini aniqlash.

Bozor tadqiqoti va tahlili

Mijoz: Danube Group

Koʻchmas mulk va mehmondoʻstlik

Togʻ kurortini optimallashtirish va kengaytirish

Amaldagi togʻ kurortini optimallashtirish va kengaytirish orqali 4,5 mln AQSh dollari investitsiya jalb qilish.

Biznes optimizatsiyasi va mablagʻ jalb qilishni qoʻllab-quvvatlash

Koʻchmas mulk va mehmondoʻstlik

Raqamli operatsion va moliyaviy boshqaruv tizimlari

Avtomatlashtirilgan raqamli operatsion va moliyaviy boshqaruv tizimlarini integratsiya qilish natijasida koʻchmas mulk loyihalarida operatsion xarajatlar 11,3% ni tashkil etdi.

Tizimlarni integratsiya qilish va operatsion yaxshilash

Koʻchmas mulk va mehmondoʻstlik

Lizing kompaniyasining moliyaviy va tijorat auditi

Ishlab chiqarish binolarini ijaraga beruvchi kompaniya uchun moliyaviy va tijorat auditini oʻtkazdik hamda yuridik due diligence jarayonini qoʻllab-quvvatladik. Natijada bozor qiymati 3,8 mln AQSh dollari boʻlgan aktivlar saqlab qolindi.

Moliyaviy va tijorat auditi, yuridik due diligence qoʻllab-quvvatlash

Mijoz: Dana Tashkent

Logistika

1
Logistika

Logistika sektorining investitsion salohiyati

Oʻzbekiston logistika sektorining investitsion salohiyatini aniqlash uchun bozor tadqiqoti.

Bozor tadqiqoti

Raqamli xizmatlar

3
Raqamli xizmatlar

Oʻzbek, tojik va qozoq tillarida ovozli yordamchi sifati

Google ovozli yordamchisining oʻzbek, tojik va qozoq tillaridagi sifat nazorati va rivojlantirilishi, jumladan koʻp tilli ovozli maʼlumot yigʻish dasturini ishlab chiqish va dala ishlari.

Sifat nazorati va til versiyalarini rivojlantirish

Mijoz: Google · Markaziy Osiyo

Global texnologiyalarni mahalliylashtirish

Raqamli xizmatlar

Biznes uchun raqamli xizmatlar bozori tadqiqoti

Oʻzbekiston va Qozogʻistonda biznes uchun raqamli xizmatlar bozori boʻyicha texnik-iqtisodiy asoslash hamda 4 mln AQSh dollaridan ortiq mablagʻ jalb qilish uchun investitsiya modeli.

Texnik-iqtisodiy asoslash va investitsiya modeli

Oʻzbekiston va Qozogʻiston

Raqamli xizmatlar

Bridging4Growth — Yevropa Ittifoqining eksport dasturi

Bridging4Growth (B4G) — Markaziy Boltiqboʻyi texnologiya kompaniyalarining aqlli yechimlarini yangi bozorlarga eksport qilishini oshirishga qaratilgan, Yevropa Ittifoqi moliyalashtirgan loyiha. Bizni maqsadli bozorlar tayyorligini baholash va har bir ishtirokchi kompaniyaga aloqalar taqdim etish uchun jalb qilishdi.

Bozor tayyorligini baholash va hamkorlarni topish

Mijoz: Yevropa Ittifoqi · Markaziy Boltiqboʻyi · Markaziy Osiyo

Qanday ishlaymiz

Toʻrt bosqichdan tashkil topib, har biri investorga topshirish mumkin boʻlgan hujjat bilan yakunlanadi.

  1. Vazifani qoʻyish

    Savolni, topshiriqlarni, jadvalni va to'lovni ish boshlanishidan oldin yozma ravishda kelishish uchun taxminan bir hafta ketadi.

  2. Diagnostika

    Texnik, moliyaviy va ijtimoiy va jamoaviy asosiy ko'rsatkichlari birlamchi manbalar, obyektlarga tashriflar va regulatorlar bilan bevosita aloqalar asosida tuziladi.

  3. Tuzilmalashtirish

    Model, xavfni taqsimlash va muvofiqlik hujjatlari investorlar haqiqatan qo'llaydigan standartga muvofiq tayyorlanadi.

  4. Yopish va undan keyin

    Imzogacha investorlar va xalqaro moliya institutlari bilan ish — va keyin, agar xohlasangiz, joriy etishda qoʻllab-quvvatlashga ham tayyormiz!

Bozorga qarash

Oʻzbekiston bozorida nimani kuzatyapmiz.

DXSh istisno emas, odatiy holga aylanmoqda

Maktablar, klinikalar, yoʻllar va aeroportlar tobora koʻproq DXSH shaklida bozorga jalb qilinmoqda. Loyihalarni amalga oshirish cheklovi siyosiy irodaga emas, tayyorgarlik sifatiga koʻchdi: risklar qanday taqsimlangan va bank hujjatlarni standartlari amal qilinishi muhim o'ringa o'tdi.

Ekologiya rasmiyatchilikdan amal qilish shartiga aylandi

Ilgari ekologik ilova oxirida va yuzaki tayyorlanardi. Endi investorlar ekologik va ijtimoiy baholashni loyihani koʻrib chiqish sharti deb biladi, uni oxiriga qoldirganlar esa loyihasini amalga oshirish vaqtini juda cho'zdirib yuboradi.

Davlat raqamli infratuzilmasi — keyingi xaridlar toʻlqiniga aylanadi

Milliy sogʻliqni saqlash, taʼlim va xizmat platformalari tez buyurtma qilinmoqda. Ularga maslahat berish uchun xarid qoidalarini oʻqiy oladigan va ayni paytda dasturiy taʼminot chiqara oladigan kompaniya kerak — shuning uchun biz ikkalasini ham qilamiz.

Tahlil

DXSh amaliyoti ommaviy muhokamada.

«Просто о ГЧП» ommaviy DXSh kanalidagi, oʻquvchilar reaksiyasi boʻyicha tanlangan eng koʻp muhokama qilingan oʻnta yozuv. Quyidagi qisqa bayonlar bizning; har biri asl postga olib boradi.

Moliyalashtirish

Infratuzilmada xususiy pul qimmatroq. Lekin taqqoslash shu bilan tugamaydi.

Davlat qarzi stavkasi va loyiha moliyalashtirishi oʻrtasidagi farq bir necha foiz punktini tashkil etadi. Stavkaning ortida esa qurilish, obyektning ishga yaroqliligi va talab riskini kim koʻtarishi, obyekt koʻrsatkichlarga chiqmasa kim toʻlashi savoli qoladi.

Aslini oʻqish
Moliyaviy modellashtirish

Bitta quyosh stansiyasi loyihasining uch modeli — uch xil javob.

Bitimda odatda uch model boʻladi: homiyning, kreditorning va maslahatchining. Ular arifmetikada emas, degradatsiya egri chiziqlarida, obyektning ishga yaroqliligi boʻyicha farazlarda va PPA shartnomasiga yozilgan tarif indeksatsiyasida farq qiladi.

Aslini oʻqish
Transport

Urganch — Xiva: yoʻl toʻlovi qurilishni emas, ekspluatatsiyani qoplaydi.

Bunday tirbandlikda yoʻl toʻlovi saqlash va ekspluatatsiyaga moʻljallanadi. Kapital xarajat budjetda qoladi, shuning uchun pullik yoʻl toʻgʻrisidagi qaror qurilishni moliyalashtirish emas, obyektni saqlash masalasidir.

Aslini oʻqish
Tartibga solish

DXShni xaridlar qonuni ichiga kiritish: nima qoʻshiladi, nima yoʻqoladi.

Yagona qoidalar toʻplami bir xil tartib va nazoratni osonlashtiradi. Shu bilan birga tovar va ishlarni xarid qilish uchun yaratilgan tanlov mantiqi ham keladi — qiymati yigirma yilga risk taqsimotida boʻlgan bitimga qoʻllaniladi.

Aslini oʻqish
Risk taqsimoti

Loyiha riski shartnomada koʻchirish bilan emas, tayyorgarlik bilan kamayadi.

Loyiha riskini xususiy tomonga oʻtkazish uni loyihadan olib tashlamaydi, narxga kiritadi. Xarajat izlanishlar, ruxsatnomalar yoʻli va texnik hajm imzodan keyin emas, undan oldin yopilganda kamayadi.

Aslini oʻqish
Shartnomani boshqarish

Metro Vancouver: loyihada mingga yaqin oʻzgarish va ularni kim talab qilgani boʻyicha nizo.

Tozalash inshootlari loyihasi shartnomani bekor qilish va ikki tomonning daʼvolari bilan yakunlandi. Nizo har bir oʻzgarishni kim boshlagani va u majburiy boʻlganmi degan savolga keldi; bunday hisob amalga oshirish bosqichida yuritiladi yoki yoʻqoladi.

Aslini oʻqish
Raqamli infratuzilma

Raqamli DXShda dasturiy taʼminot kimga tegishli?

Qozogʻistondagi sud ishi savolni ochiq qoʻydi: davlat ishlayotgan platforma uchun toʻladi, kodga boʻlgan huquq xususiy tomonda qoldi. Shartnomada intellektual mulk boʻlimi boʻlmasa, konsessiya oxirida davlat tomonida boshqara olmaydigan maʼlumotlar qoladi.

Aslini oʻqish
Bozorlar

Saudiya Arabistoni portfeli: 220 DXSh shartnomasi, 18 tarmoq, bitta jadval.

Dastur 2030 yilgacha oʻn sakkiz tarmoqda 64 mlrd dollardan ortiq xususiy kapital jalb qilishga moʻljallangan. Yillar oldin eʼlon qilingan portfel homiylar, kreditorlar va maslahatchilarga jamoani oldindan tayyorlash imkonini beradi — aksariyat milliy dasturlarda aynan shu qism yetishmaydi.

Aslini oʻqish
Aviatsiya

Xavfsizlik nazoratidan oʻtish vaqti shartnoma KPI sifatida.

Yoʻlovchiga qaratilgan xizmat koʻrsatkichlari konsessiya shartnomasida chiroyli koʻrinadi, amalda esa qiyin ishlaydi: operator yoʻlaklar va xodimlarni, davlat nazorat tartibini boshqaradi. Tomon toʻliq taʼsir koʻrsata olmaydigan koʻrsatkich yaxshi xizmat emas, toʻlovdan chegirma keltiradi.

Aslini oʻqish
Davlat moliyasi

Shartli majburiyatlar: balansda faqat biror narsa yurishmaganda paydo boʻladi.

Minimal daromad kafolatlari, shartnoma bekor qilinganda toʻlovlar va valyuta kursi boʻyicha majburiyatlar hodisa yuz bermaguncha budjetga tushmaydi. Ularning hisobi va zaxirasi boʻlmagan DXSh dasturi oʻz qiymatining faqat yarmini koʻrsatadi.

Aslini oʻqish

Manba: «Просто о ГЧП» ommaviy Telegram kanali (t.me/ppp_uzb). Biz oʻz soʻzlarimiz bilan qisqa bayon qilamiz va post matnini takrorlamaymiz.

Kompaniya

2023 yilda Toshkentda — ongli ravishda tashkil etilgan.

WealthBridge paydo bo'lishiga sabab, xalqaro homiylar va investorlar O'zbekiston qoidalarini, xarid jarayonlarini va mahalliy qoidalarni tushunadigan, shu bilan birga xalqaro jadvalga muvofiq Xalqaro Banklar standartlariga javob bera oladigan maslahatchilarga ehtiyojni sezdi. Bu talablarga javob beradigan juda kam kompaniyalar mavjudligni bildi.

Biz barqarormiz: bizning kompaniyada hech qanday investor tasischi emas, sotishimiz kerak bo'lgan mahsulotlar yo'q, bitim amalga oshirilishidan boshqa hech qanday rag'batlantiruvchi omil yo'q. Loyihalar bo'yicha vakolatnomalar sheriklar rahbarligida bo'lib, dastlabki rejalashtirishdan yakunigacha bir xil jamoa bilan davom etadi, va biz Osiyo, Yevropa va Shimoliy Amerikada faoliyat yuritamiz.

Tashkil etilgan
2023
Maslahat amaliyoti
2016
Jamoadagi mutaxassislar
40+
Bosh ofis
Toshkent, Oʻzbekiston
Geografiya
Osiyo, Yevropa va Shimoliy Amerika
Ish tillari
ingliz, rus, oʻzbek, turk, tojik, fransuz, ispan va italyan
Jamoa

40 dan ortiq mutaxassis — mahalliy va xalqaro.

Xodimlarimiz ilgari Jahon banki, IFC, ADB, EBRD, EIB, GIZ, BMT agentliklari, USAID, JP Morgan Chase, Citi, Bank of America, Erste Group, Google, DNV, Masdar, CBRE, VEON, Carlsberg, «Oʻzbekenergo», ENTER Engineering va Oʻzbekiston investitsiya institutlarida ishlagan; jamoada moliya, infratuzilma, energetika, chiqindilar, sogʻliqni saqlash, taʼlim, ekologiya va ijtimoiy masalalar, huquq, muhandislik, xaridlar va logistika hamda IT yoʻnalishlari bor.

Shakhboz IzzatulloevOperatsion sherikWorld Bank · Google · Uzbek Oman Investment Company
Sherzod UsmonovKorporativ maslahat rahbariJP Morgan Chase · Citigroup · Industrial Bank of Uzbekistan
Kamol JiyankhodjaevInfratuzilmani rivojlantirish boʻyicha ekspertUNDP · UNICEF · World Bank · Columbia University
Khamid Irgashev, ACA, ACCA, FHEATaʼlim boʻyicha ekspertLSE · Hult · Birkbeck
Farkhod AmanovMoliya boʻyicha ekspertMEMX · Cypress Creek Partners · Charles Schwab
Armine SimonyanEkologik va ijtimoiy masalalar boʻyicha mutaxassisADB · EBRD · EIB · GIZ · MCC · UN · USAID · World Bank
Magfrat MuminovaEkologik va ijtimoiy masalalar boʻyicha mutaxassisMasdar · DNV · World Bank · ADB · IFC
Elnora Sharipova, PhDEkologiya boʻyicha mutaxassisIFC · World Bank · ADB · TISCO · Neftgazmeyor
Abdulshahim Turgunov, PhDEkologiya va mehnat muhofazasi boʻyicha mutaxassisToshkent davlat texnika universiteti · NIPTI Atmosfera · BMTTD · OTB
Batir MavlanovSotsiologiya boʻyicha ekspertJahon banki · BMTTD · Iqtisodiyot vazirligi
Dildora AmirkulovaIjtimoiy masalalar boʻyicha mutaxassisWorld Bank · ADB · UNDP · UN Women · UNFPA · OSCE · USAID · IFAD
Rustam YuldashevJamoat salomatligi va ehtiyojlarni baholash boʻyicha ekspertADB · World Bank Health-II and Health-III · MPH, Jerusalem
Dilafruz OrtikovaSogʻliqni saqlash va tibbiy uskunalar boʻyicha mutaxassisWorld Bank · GIZ / GOPA · Tashkent State Medical Institute
Umida KadirovaKorporativ boshqaruv va bank ishi boʻyicha mutaxassisUzbek Leasing International · Bank of America · World Bank · EBRD FIDP (IPC)
Andrii PolianskyiAgroqayta ishlash, marketing va savdo boʻyicha ekspertIFC · Erste Group · Raiffeisen Bank · UniCredit · PrivatBank · MBA, MIM-Kyiv
Roger HollandTijorat koʻchmas mulki boʻyicha ekspertCBRE · Scot Holland · AIM-X Global
Bunyod NazarovLogistika, sugʻurta va tijorat koʻchmas mulki boʻyicha ekspertUzbek Oman Investment Company · Uzagrosugurta
Kamola AmanovaIT, raqamli yechimlar va elektr qurilmalari boʻyicha ekspertWorld Bank · Super Dispatch · TBC Bank · Westminster International University
Musa KhaybullinTizim administratori, Linux va DevOps muhandisiIT infratuzilmasida 24 yil · Linux · Windows Server · PostgreSQL · tarmoq xavfsizligi
Shamil KhakimovMuhandis-arxitektor, seysmik chidamli qurilish boʻyicha ekspertToshuyjoyLITI JSC · UzLITITI CJSC
Olesya SadchikovaArxitektura, qurilish va smeta ishiTASHGIPROGOR JSC
Abduvohid SharipovQurilish muhandisiMilart Steel · Hyatt Regency Tashkent · Association of Consulting Engineers of Uzbekistan
Kamilla AbdullaevaYuridik ekspertMehnat huquqi · Taʼsis hujjatlari · Shartnoma, korporativ va tijorat huquqi
Humoyiddin IzzatulloevXaridlar va “yashil” yechimlar boʻyicha ekspertENTER Engineering · Orient Group · Shurtanneftegaz · APICS CPIM, CLTD · ISM CPSM
Firuza SarukhanovaShartnomalar va xaridlar boʻyicha menejerVEON Group · Beeline (Unitel) · Russian-Slavonic University, law
Dilzoda KaneevaShartnomalar va xaridlar boʻyicha mutaxassisENTER Engineering · UzCarlsberg · Vet Korm Agro
Malika AbdusalyamovaXaridlar va bojxona rasmiylashtiruvi boʻyicha mutaxassisUzCarlsberg · Green World JV
Kamal KhavaydullaevXaridlar va taʼminot boʻyicha mutaxassisENEP AG · Brig Communications · ADB
Ulugbek ShakirovLogistika, tashqi savdo va bojxona rasmiylashtiruvi boʻyicha mutaxassisMetprom · EDL Trans · Orient Railway Service · litsenziyalangan bojxona brokeri
Elena LyuXaridlar, logistika va sertifikatlash boʻyicha mutaxassisCerins Standard · ENTER Engineering · UNICO Logistics · CPECC · Lanzhou University

Amaliyotning asosiy mutaxassislari. Toʻliq maʼlumot va rezyumelar soʻrov asosida.

Hamkorlik

Mijozlar birinchi boʻlib beradigan savollar.

Qanchalik ishni tez boshlay olasiz?

Vazifani aniqlash odatda birinchi aloqadan keyin bir hafta ichida amalga oshiriladi. Ochiq tenderlar va topshirish muddatlari uchun tezroq safarbar boʻlamiz — qaysi sanaga ulgurish kerakligini siz ayting.

Oʻzbekistondan tashqarida ishlaysizmi?

Ha. Asosiy bazamiz va qonunchilik boʻyicha eng chuqur bilimimiz Oʻzbekistonda, shu bilan birga Osiyo, Yevropa va Shimoliy Amerikadagi mijozlarga maslahat beramiz. Chegaralararo loyihalar — Oʻzbekistonga kirayotgan xorijiy homiy yoki xalqaro kapital izlayotgan oʻzbek aktivi — amaliyotimiz oʻzagi.

Toʻlov qanday tashkil etilgan?

Maslahatchilik va chuqur ekpertiza (due diligence) bo'yicha aniqlangan natijalar uchun belgilangan to'lov bo'yicha amalga oshiriladi. Moliyalashtirish va M&A topshiriqlari uchun muvaffaqiyatga bog'liq komissiyalar ostida ish yuritilinadi. Ikkalasi ham ish boshlanishidan oldin yozma ravishda kelishiladi.

Xalqaro moliya institutlari xarid qoidalari boʻyicha ishlay olasizmi?

Ha. Biz ADB, World Bank, IFC, EBRD va USAID tomonidan moliyalashtirilgan yoki nazorat qilingan topshiriqlarni bajarganmiz va ularning baholash hamda himoya talablari bo'yicha hujjatlarni tayyorlaymiz.

Maʼlumotlarimiz himoyalanganmi?

Ish birinchi aloqadan boshlab NDA asosida olib boriladi, mijoz materiallari uchinchi tomon fayl almashish xizmatlarida emas, oʻz himoyalangan maʼlumot bazamizda saqlanadi.

Aloqaga chiqish

Nimani qurish, moliyalashtirish yoki sotish kerakligini ayting.

Boshlash uchun loyiha va muddat haqidagi qisqa xat kifoya. Birinchi aloqadan boshlab NDA asosida, biz sizga bir ish kuni ichida javob beramiz.

OfisToshkent, Oʻzbekiston

MaКјlumotlaringizdan faqat ushbu murojaatga javob berish uchun foydalanamiz va ularni hech qachon boshqalarga bermaymiz.

Maxfiylik

Maxfiylik siyosati

Ushbu sayt Toshkentdagi (Oʻzbekiston) WealthBridge maslahat kompaniyasiga tegishli. Maʼlumotlaringiz boʻyicha savollar: info@wealthbridge.uz.

Murojaatlar. Shaklni yuborganingizda yoki bizga yozganingizda ismingiz, aloqa maʼlumotlaringiz va xabaringizdan faqat javob berish va loyihangizni muhokama qilish uchun foydalanamiz. Ularni sotmaymiz va uchinchi shaxslarga oʻz maqsadlari uchun bermaymiz.

Tahlil. Tashriflarni hisoblash hamda qaysi sahifalar, qaysi mamlakatdan va qaysi qurilmadan oʻqilishini bilish uchun Google Analytics xizmatidan foydalanamiz. U cookie fayllarini oʻrnatadi, maʼlumotlarni Google qayta ishlaydi. Yevropa Ittifoqi, Yevropa iqtisodiy hududi, Buyuk Britaniya va Shveytsariyadagi tashrifchilar faqat roziligidan keyin hisobga olinadi; har qanday tashrifchi cookie bannerida rad etishi yoki sahifa pastidagi “Cookie sozlamalari” orqali tanlovini oʻzgartirishi mumkin.

Huquqlaringiz. Shaxsiy maʼlumotlaringizni koʻrish, tuzatish yoki oʻchirishni info@wealthbridge.uz manzili orqali soʻrashingiz mumkin. Murojaatlar boʻyicha yozishmalarni faqat javob berish va ish yuritish uchun zarur muddat saqlaymiz.

Oxirgi yangilanish: 2026-yil 20-oktabr.